2017年12月17日 星期日

更改射倉至ib後的股票買入價

更改射倉至ib後的股票買入價



Step 1. 於下圖內,點選賬戶,然後選擇帳戶視窗











Step 2. 然後拉到最低,會見到你於IB內既股票,然後右click, 選擇調整平均價格







Step 3. 見到下圖後,你就可以入番你之前所買入的價格了


2017年11月23日 星期四

射倉至 IB一談

本身我係匯豐同花旗都有D股票咁既然開左IB戶口,咁我就將大部份股票轉往IB 啦

首先要係IB 登入 帳戶管理

 Step 1: 登入到帳戶管理版面後,選擇 Transfer Positions 












































 Step 2: 進入 Transfer Positions 頁面後,選舉Inbound PositionInternational Asset Transfer



Step 3: 然後輸入轉入標物的機構資料,請注意佢係需要填寫該機構的聯絡人名稱,電郵及電話等,我全部都係填UNKNOWN,而電話一欄我就係番銀行的熱線電話

Step 4: 然後ADD ASSET 輸入標物的資料及數量等




Step 5: 當一切完成後,就點擊右下角既Continue 













Step 6: 無錯,你應該係襟唔到Continue .........唔係玩你,因為我試左成日都係襟唔到,最後後麻煩你去番Classic AM 既版面,再將以上步驟做一次












































Step 7:  當一切完成後,系統會列印出一份文件,將該份文件交預所屬機構就完成手續了

Step 8: 去到銀行,職員都需要同你填一份轉出標物既資料,最重要既當然係你係IB既證券戶口號碼啦,而其次就係 IB既中央結算編號存入港股編號為: B01590 ,存入美股為: 0017 

收費: HSBC 轉出一支香港股票收 $30港幣
          CITI 轉出一支美國股票收$50...美元.....(好貴...真係好貴)




2017年11月2日 星期四

花旗轉金至IB

早兩日我係網上申請左個IB戶口,我諗住入錢過去IB,由於我大部份資金都係存左係HSBC,咁我就由匯豐既網上理財轉錢過去花旗銀行,我都係第一次利用這個服務,只需要到轉賬至其他銀行戶口輸入相關資料就可以,無記錯我早上11:00轉錢,下晏3:00已經係花旗戶口度見到數了。

而第二步,就係由花旗戶口轉錢到IB的花旗戶口,咁我好自然咁係花旗既網上理財轉賬位置選擇新增收款戶口並選擇轉賬本地花旗銀行戶口,我連續試左兩日,都係話我未能確認到我所輸入既戶口,咁我等唔切啦,於是直接去銀行到做電匯啦。

咁尋晚,同好網友電郵溝通一番,才得知原來係要選擇轉賬本地非花旗銀行戶口,又試問我點估到花旗銀行轉去花旗銀行原來係要選擇轉賬本地非花旗銀行戶口,叫小弟情何以堪呢....

算係花旗冷知識掛....


2017年11月1日 星期三

IB 開戶

IB咁強大,都係時候要開番一個先

Step1)



n         點選交易者或投資人

Step2) 

填寫賬戶資料


 Step3) 

收到電郵




n         點擊電郵內連結,前往IB 網站內開始正式戶口申請


 Step4) 

填寫個人資料

n         cap圖啦 : )


 Step5) 

戶口類別選擇



n         如需要選擇使用槓桿,請點選保證金


 Step6

資產與收入 / 投資目標 / 投資經驗



n         呢一部份大家小心d填, 我見有d網友太認真所以開唔到保證金或者需要提交入息証明,不過我都唔能夠100%話肯定關呢部份既事


Step7

同意協議或披露

n        除左同意,應該別無選擇 :p

Step8)

轉賬現金至戶口



n        可暫時略過此部份先

Step9)

文件上傳



n  過程尚算順利

Step10)

電話確認及新增存款



n   呢度唔好意思先,係畫面既右手邊有個電話確認既制,我手快快點擊左無cap低,然後再點擊新增存款,選擇番現金就會彈出一封現金存款(電匯通知)俾你,入面有晒戶口號碼等資料根據指示入金

Step10 -1 )

現金存款(電匯通知)



Step11 )

數據訂閱



n         我乜都未訂呀,我諗要洗錢既野,開戶後應該大把機會呢


總結:  暫時都係做到呢個步驟,而家就等入錢去ib,待正式開戶,希望幫到大家

2017年10月11日 星期三

自言自語一

人年紀越黎越大,身邊好多事情就會不斷重覆咁出現,近幾年有一個現象,我發覺身邊有類朋友會不知不覺變左種,點解會用變種去形容呢類朋友呢,因為佢地會係近幾年間變左樓市専家, 旅遊逹人,飲食界既金舌頭, 名錶界研究生等...

我由開頭唔為意呢d小改變, 只係覺得 "e, 做乜無啦啦咁勁既?" 到我發現身邊不少既人通時出現呢個問題既時候,我就去諗下個原因係d乜...

我發覺原來大家去到我地個年齡層會有不同既小成就,例如工作既職位呀,物業既升值等,或者其他投資既回報等等,其實變左種最大既問題就係用左自己既角度去批判其他人既行為,其實呢一點真係好反感。仲有就係覺得自己已經高人一等,好話個保安員唔幫佢開門都講足半個鐘 (真係痴九線)

樓市専家 > 緊係要買樓啦,點都有得住
旅遊達人 > 嘩,邊度邊度既野真係好好食,地方又靚,你真係要去
飲食界金舌頭 > 你真係要試下邊度間扒房呀,D牛扒有木炭味
名錶界研究生 > 男人點都要帶番隻錶先似樣既

但係以上呢一類人都會各自有自己既煩惱架啵....例如想生小朋友,好想有個老婆/老公,好想置業,份工好難頂等等...佢地好有趣既地方係唔鐘意人地俾d實制既解決方案架,同埋佢地對所謂自己引以為傲既事情又唔係真係好了解個下...真係好笑....最經典既係叫人買樓個位朋友,我問佢知唔知自己供緊幾多厘呀,而家又平番啵,可以轉按啵,佢真係話唔知啵,唔搞咁多野啦...

每個人面對既問題不同,負擔不同,唔好因為小成就而睇唔起人,唔好以為自己既小成就係宇宙創舉呢,只不過係你眼中見唔到其他人既成就呢。

PS# 另外想大家都真係要尊重勞動力工作者,係打風10號風球時,你地屋苑既保安員,7仔既店務員,百街惠康個阿姐都係返緊工,茶記D阿姐....街邊既清道夫基本上你出門口佢已經返緊工,佢地為社會既付出比我們想像中只有更多,希望大家都可以尊重他們多一點,但千萬不要期望佢地會尊重番我地啵 hahaha



2017年9月27日 星期三

加按


小弟自住單位,於6月時過按揭銀行既罰息期,故此係5月份已經開始係去唔同既銀行提交文件申請,由於本人的頭按為hsbc,所以我想作最壞打算要用番hsbc先,所以第一時間就到分行申請,跟住由於我有戶口係花旗銀行,順理成章我又係花旗銀行作申請,最後我想選擇多一間較細規模既銀行嘗試一下,我選擇了創興銀行,而三間初步估價如下

初步估價
HSBC: $7,480,000-
CITI:   $7,350,000-
創興:   $7,520,000-

 三個銀行黎講,以創興跟得最貼,而所需補既文件最多,貴行要求既文件比較特別既係再對上一年既糧單(2015年尾),慶幸自己公司係有HR 系統,可以自行列印,不過最後佢地有一個文件既要求就係要我公司提供一封信証明我一定有雙糧,由於最後我未能提供,故此我作了取消申請

花旗銀行同匯豐銀行就比較...無咁著急...過左成2個月都無消息,亦正正當時政府出左一個新既政策闗於針對持有第二套房按揭作出限制(但唔知點解創興又無咁既情況),以上銀行亦由於申請量數繁多,一直未有任何消息。直至到8月頭數到花旗回覆,批核不成功,我相信係計我份入息個度出現左問題。

而最後我只能夠等待HSBC既回覆,慶幸地最後成功批核,而估價亦由7,450,000 去到 7,680,000,當然啦,由於只係係原本既頭按銀行做回加按,現金回贈只能以最後借出的金額作計算,比起轉按到其他銀行少了一截,但總算令手頭上現金更充足。總括新按細節,按揭利息H+1.28 cap P-2.85% 現金回贈1.6% 還款期30年


2017年9月26日 星期二

8月份投資記錄

美股派息






AGNC 35.4
QYLD 45.87

共: $81.27 美元=$629.8

港股派息




共1,170

期權


共:  -$6,420

窩輪/牛熊



共:  -$21.64

8月份被動收入 : $629.8 ($81.27 * 7.75) + $1170- 6,420-21.64 = - $4,641.84


今個8月表現比較差,特別係期權表現最為失色,帶來不少的虧損,最主要係8月中時,連續既跌市,令到較遠期既sp同lp漲窩,擔心會有更嚴重的損失,故此將所以期權止蝕,上了寶貴的一課

而窩輪/牛熊仍然會用小量資金於市況較多壞消息的情況下作小額度投資,表現暫時一般啦...

派息方面,都真係無乜特別野需要理,坐定定收下錢咁,當然唔係好可觀既一筆錢啦,但獨立咁睇又真係一件幾唔錯既事,真係要係呢個方向再加多一點功夫先得

-------------------------------------------------------------------------------------------------------------------------

生活及其他方面
8月份,加按完成,資金有所提升,暫時未有作出任何安排,放左係mortgage link度先
本月份大女開始返N班,佢係入左上午班,大家都適應緊,暫時進度良好呢.

9 月份安排及預算
  • 會嘗試入Reits 

2017年8月1日 星期二

7月份投資記錄

美股派息

AGNC 35.4



共: $35.4 美元

港股派息
-

期權




共:  $1,700

窩輪


Warrant record Jul2017 



















共$5,513.43


7月份被動收入 : $274.35 ($35.4 * 7.75) + $1700 +期5513.43 =$7487.78


今個月開始去嘗試下窩輪去賺下外快,我暫時以$20000 本金去玩,斬獲$5000,成績一般吧,只係以有限資本去試玩呢個項目,唔好損手就好了haha
加按樓宇方法,手續完成了,錢就應該係呢幾日到手,到時再重新部署下應該點樣分配好投資既比例呢。另外,我係開左個富途戶口,不過就未存錢係去,睇下佢係唔係一世免佣咁好先


-------------------------------------------------------------------------------------------------------------------------

生活方面
7月份各方面都無乜特別,係部冷氣機漏水囉,洗完都係漏水,同埋我發現入面好污濁,因為呢部冷氣係舊業主既,我地個陣搬入黎都無換到,可能因為咁特別污濁呢,我諗呢筆錢都唔洗唔得架啦。


8 月份安排及預算
  • 重新計劃各項投資比例

2017年7月2日 星期日

6月份投資記錄

美股派息
QYLD 31.5
AGNC 35.4

共: $66.9 美元

港股派息
255 $930

共:  $930

期權
$1,750

共:  $1750

6月份被動收入 : $518 ($66.9 * 7.75) + $930+ $1750 =$3198

-------------------------------------------------------------------------------------------------------------------------

生活方面
6 月份家庭發生d一些事情,可以話小事啦,總叫做用錢可以解決到既,不過就用左我本身預算開ib戶口既錢呢,另外銀行加按方面仲等緊消息,希望快d有結果啦。
仲有個大女發燒發左幾日,退下又燒下咁,搞到我同內子都無啦好訓呢。
另外,有一日我無無聊聊睇下有咩apps 下載啦,比我搵到一個叫做 "股票計算機" 既軟件,都幾好用呀,只要入番相關既資料入去,就可以睇到唔同銀行同證券行既收費呢 (銀行收費真係好貴呢)
仲有最大鑊係有一日我去打拳除低d結婚介指同頸鏈,返到屋企發現唔鬼見左左結婚介指呢....希望今日去搵得番啦~~今個6月真係有d黑呢 haha

7 月份安排及預算
  • 將加按物業,約能套出80-100萬
  • 於interactive brokers 開戶

2017年6月13日 星期二

睇blog既感想

近幾個月,睇左好多唔同既blog 友既blog,想寫低少少感想,分享一下經驗

  1. 要睇晒成個blog,因為好多時各位blogger 係前期已經講左佢地一些有關投資既諗法同操作方法,blogger 唔會次次都講多次吧 呢一點我係睇70後與80後, 兩個小小生意人 兄既感想,有時d留言問既野,好多時都係係前一些既文章有所提及,其實blogger真係無必要每事答我們呢)
  2. 一定要睇埋留言,好多時係正文沒有提及,係留言都會很多重要既訊息
  3. 人地可以;又唔代表自己可以,必須量力而為。
  4. 我覺得個重心唔係抄各位blogger所選擇投資物,係要學習各位大大所選擇該投資物的想法,然後持之以恆的執行,咁先會成功呢
每個投資物總有佢既優劣,唔好執著住一定要買樓吧,越睇得多blogger既文章,就會越發現到不同既層次,有一些blogger只係識叫人買樓,係咁叫人買樓,講到唔買樓會死咁,無咁誇張掛。

有時英雄造時勢也好,時勢做英雄也好,開拓自己的眼光與視野尋找適合自己的投資方向我想永遠也不會錯吧,我相信世上總有很多方法去達成自己心中的目標吧,只懂自我感覺良好的人,成就有限吧。

2017年6月5日 星期一

5月份投資記錄


美股
QYLD  $15.34
AGNC  $35.4
STON  $4.93

共: $55.67 美元

期權
$2,790

5月份投資收入 : $437 (55.67*7.85)+ 2790= $3227

6 月份安排及預算
  • 將加按物業,約能套出80-100萬
  • 255 派息
  • 於interactive brokers 開戶

2017年5月14日 星期日

投資的分類

將投資暫時分左幾個類別

1.美股 - AGNC / QYLD

2.港股 - 255 / 1382

3.期權 


2017年3月1日 星期三